وقالت خلاص ...
ركبتلى جناح فرح وجناح فلاح
رفرفت بالبسمه
وفرحت بالنسمه
ومسكت الوانى
وشطبت احزانى
ورسمت لوحه سميتها الحانى
وكتبت عنوانى
بين اهلى واخوانى
قالولى فينه؟؟
قلت فخيالى رسمته
وف حلمى حلمته
ودلوقتى آن الاوان
اقعد فيه واتربع كمان
وقلت هو ده مكانى
بعيد عن كل احزانى
ومسكت عودى وعزفت الحانى
وسمعت العصافير بتغنى
والقمر فوقى مستنى
وقلت لقلبى فك قيودك
عيش بنبضك
وقلت لنفسي يلا فوقى
سيبى الهم وطيري فوقى
وقلت لقلبى بتعمل ايه؟
انسي الهم اللى انت فيه
حس الحلو وعيش عليه
يلا طيروا وعيشوا فيه
كون جديد ودنيا تانيه
دنيا من الشوائب خاليه
فيها كل يوم جديد يسوى عيدى والف عيد
دق يا قلبى يا عقلى شوف حسي يا روحى بالوجود
هى دى الحياه ......بدون معانى الاه
فيها الفرح دستور
والناس كمان كالحور
والقلوب الصافيه حوليا كالبحور
والصدق كمان حياتنا
والقسوة دى نسيناها ونسينا اسم الغرور
عرفتوا عنوانى ؟؟؟؟؟
خلاص بقى هو ده مكانى
واهلا بالاحباب وكمان كل الاصحاب
نعيش فيه فى راحه بعيد عن اى عذاب
10 comments:
يا سلام..كفايه انى انا انال الشرف وارد على البلوج هناااا....
بجد الف الف الف مليوووووووون مبروووووك....
وفعلاا بوست جميل جدا يستحق انه يكون اول بوست..
وان شاء يعمر ببوستاتك..
شكرا يا دكتور شمس
ربنا يخليك ده بس من زوقك
ويارب دايما كل البوستات تعجبكم
وبجد انا اللى ليا الشرف ان حضرتك ترد عليا اول واحد
برااااااااااافو يا رنا ..بوست هايل
بالتوفيق يا جميل ..
ربنا يخليكى يا دودو يا حبيبتى
نورتى يا جميل
الله بجد بلوج تحفه والفالف مبروك يا قمر
البلوج جميل جدا والبوست تحفه ولالوان روعة والكلمات رقيقه ومش عارفة اقول ايه اكتر من كده
ومنتظرين جديدك بما لا يقل عن المستوى ده
طبعا يا ساره مش هاقدر اقول حاجه لان سعادتك
وقفتينى زى التلميذ الخايب من الكلام الجميل ده
ياروحى البلوج ده بتاعك اذا كنت انا نفسي تبعك يا جميل
منوره
السلام عليكم
هو عقلكي لامحاله
امتعتنا بجميل مقالاتك
فلمسنا فيها
روعه الابداع
و
نمــــو التفكير
و
اهدافا خطت لتتحقق
تقبلي مروري
ودمتي بالف ود
قليل كثير
تلك الكلمات القليله ثاتيرها عندى كبير جدا
اخجلتم تواضعنا يا افندم فلا املك من الكلمات ما يعبر عن شكرى وامتنانى لتلك المجامله الرقيه
نورتنا ويا رب دايما
:)
الله عليكي يارنا
ربنا يكرمك يابنتي يارب
والله انا بتعلم منك كتير قوي
واكيد ليه عوده معاكي مرة اخري يامعلمتي
دمتم موفقين ومن العين محفوظين
الله عليكى انتى
بجد نورتينى واسعدتينى وشرفتينى
ويا رب تفضلى كده دايما :)
Post a Comment