شـــرود..

كــوب مـن الشـاى ،، قلــم بلا ورقــة..

عينــان زائغتــان ،، تغلقــان تارة ..

وتحملقــان تارة أخــرى..

ولا يشكــل انفتاحهمــا أو انغلاقهمــا فارقــاً...

نفس اللوحــة المسمــاة .. برؤى العيـــن ،،

لا تتحرك أو تهتز ..

أصوات معلقة فى الخلفيـــة ..

وجمـــود.

واختبـــار للسكـــون فى أجــواء مزلـزلـة..

صمتُ للــسان ،، تصـارعه أبواقٌ غوغائية.. تدعى كونــها..

أفكــــار..

تــَـوَحُـــدْ....

ثم استفــاقـة عابثــة ،، أسقطت من وعــى صاحبـــها ..

تفاصيــل اللحظات الفائتـــة .. التــــى أسمــاهـا..

شــــــرود.

DayDream

I'm dreaming of that day, I'm happy enough to hold a baby between my arms , give him a big hug and plenty plenty of kisses.
That face, those arms, tissue and bone.. oh, all are .. are just pieces of mine!!
This human being this soul has parts of ME!!..
That smile on the face that Tickles my heart, oh, those words that mimic my words..
Those lots of 'Mama' that crowded my head when I need quiet.. oh, GOD
Again and again and again, I'm falling in love with those kids, the angels of the earth.

My Everlasting Daydream.

إنزعـــــاج

تزعجنـــــى كثيـــــراً تلــك الأشيــاء ، التى تقتحم حياتــى يوميــــاً..

لتكتــــب بخـــــط عريـــض،

"كــــم أنــــتِ غبيــــــة!!"

زعـــــــلانة

زعلانه من نفسي أوى

حاجه مش كويسة للأسف

مممممم، مش عارفة

زى وليد طاهر ما بيقول "جوايا حد زعلان من انى زعلان من حد جوايا "

والشئ السيئ لما يكون منبع الشعور دا لاشئ أو حاجه بتمثلك ميزة فى نفوس الاخرين

زعلانه منى ومش عارفة هاصفالها والا هاكرهها بزيادة !!!

مش عارفة برده كالعاده !!

انتفــــــاخ

قلبــى مــوجوع .

آه موجــوع ... رغم انى باشـوفه خشب ،، لكنــه موجــوع ..

غريب قلبــى دا !!

بس الوجـــع ألـــوان .. وأشكــال ... ومقــاســات ..

وجعــى دا بقى زى البالـــــونه..

Elastic..

مطــــاط..


انتفــــاخ البطــن وارد ... شويـــة عســـر هضــم ..

وكوبايه نعنــــاع والا حــاجه هيبقـــى فـــل وميـة ميـة ..


بس انتفـــاخ الدمـــاغ دا نعمـــل فيـه ايـــه !!!!..

فى ناس عندها عسر هضــم فكـــرى ،، خلــف أفكــار سودا ومسمــومه

لا هما فاهميــن نفسهـــم .. والا همــا عارفين يسكتــوا

علشــان أصحاب البالونـــات أمثــالى

يقدروا يعيشـــوا فـــى ســـــلام.

قصــــة ســؤال ..!!

بسم الله الرحمن الرحيم

تعرضت لسؤال سابق حول القرآن وقصص اليهود .. وما يخصهم من آيات قد ذكرت فى القرآن الكريم ..

حيث ظل أحدهم يكرر السؤال ولكن بصيغ مختلفة ولكنى كنت أعلم أنه يحوم حول نقطه ما ..

ما كان منى إلا أن وضحت بعض الأمور الأساسية حول القرآن

وكونه يحكى قصص السابقين وأن القران متصل ومترابط بعضه البعض ..

ويحتاج لمن يتعقل جيدااا كى يتفهم ما يرشدنا اليه بصورة صحيحة ...

إلى أن أدلى بدلوه وقالها صراحة ..

" سمعت الكثيرين من العرب ينعتون اليهود بأحفاد القرده والخنازير .. معللين بأن القرآن أشار إلى ذلك وأقر به "

وهذا تحديدا ما أريد أن أتحدث عنه الآن ...

علنى أفتقر للكثير كى أستطيع أن أخوض تلك المنطقه لأبدأ حديثى فلست عالمة ولا فقيهة ..

ولكنى إستعنت بالله وأتمنى منه التوفيق

بداية .. فقد قرأت من قبل فتوى صادره عن مجمع البحوث بالأزهر الشريف ..

تنص على أنه لا ينبغى على المسلمين بأن ينعتوا اليهود أو بنى اسرائيل .. بأنهم أحفاد القردة والخنازير ..

مع توضيح الفتوى بأنه من المحتمل حدوث المسخ بصورة معنوية وليس بالضرورة وقوعه ماديا ..

بمعنى أن الله لعنهم وأخرجهم من رحمته وأنزل عليهم غضبه فمسخت قلوبهم ونفوسهم واصبحت قذرة ..

نص الفتوى

اعترض الكثير من العلماء على تلك الفتوى ولكنى مازلت أتعجب من اعتراضهم هذا !!! ..

فهل توقفنا لحظه كى نتعقل !!

لطالما وجه القرآن ندائه لأصحاب العقول كى يتدبروا آياته ويبحثوا حولها فى أمور دينهم ودنياهم ... ألا يجب أن نعقلها !!

ألم يقل رسولنا الكريم "صلى الله عليه وسلم " ( اعقلها وتوكل )

ألم يوجه الله تعالى خطابه فى غير موضع لأولى الالباب !!

يجب أن نتامل قرآننا جيداا لتطبيقه بصورة صحيحة بعيدا

عن الفهم الخاطئ والمتزمت والذى ينقل صورة غير صحيحة عن الإسلام والمسلمين ..

كما يعيق فهم الكثيرين من المسلمين فى نفس الوقت ..

جميعنا سمعنا بالايه التى تقول " الفتنه أشد من القتل " على سبيل المثال .. مئات المرات ..

فهى جزء من آيتين بسورة البقرة " إحداهما استخدمت التعبير أشد والأخرى أكبر "

وقد تكون تكررت بموضع آخر ولكن هذا ما أعلمه ..

فهناك الكثيرون كانوا ومازالوا يطلقونها لغير معناها ..

فمنهم من يعتقد أن الفتنه هنا تعنى الوشايه أو النميمه وما الى ذلك ..

فيسارع لإلقاءها على مسامع شخص ما ينقل الاخبار لتحذيره..

ولكن معناها فى الآيات الكريمة مختلف ..

فهى تعنى أن ما فعله الكفار بالمؤمنين من طرق التعذيب الشديدة بمكه هى أكثر ضررا من القتل

قال تعالى { واقتلوهم حيث ثقفتموهم و أخرجوهم من حيث أخرجوكم والفتنة أشد من القتل } ( 191) البقرة

قال تعالى {يسئلونك عن الشهر الحرام قتال فيه قل قتال فيه كبير وصد عن سبيل الله وكفر به و المسجد الحرام و إخراج أهله منه أكبر عند الله والفتنة أكبر من القتل } ( 217) البقرة .

إذن فما علاقة ذلك بتلك الفتوى السابقه !! .. إنها علاقة وثيقة

لو لاحظتم معى آيات القران الكريم التى ذكر فيها اليهود أو النصارى

فقد كانت الإشارة دائما ب " أهل الكتاب " و " الذين هادوا " " الذين قالوا إنا هودا أو نصارى " بنى اسرائيل "

ولكنى لم أر من قبل وصف يقول بنى القردة والخنازير ..!!

وإن ورد ذلك فى القران فقد كان بإسلوب قصص التخبير عما فعلوا من عصيان وعن وقع العقاب واللعنه عليهم وعلى هيئته

ومن المرجح ان يكون التشبيه معنويا اكثر منه ماديا ..فمسخت قلوبهم وازدادت قذارة ...

راجعوا معى سورة البقرة أيضا الآية 134

قال الله تعالى: تِلْكَ أُمَّةٌ قَدْ خَلَتْ لَهَا مَا كَسَبَتْ وَلَكُمْ مَا كَسَبْتُمْ وَلا تُسْأَلُونَ عَمَّا كَانُوا يَعْمَلُونَ [البقرة:134]

لنراها تتكرر مرة اخرى عند الآية 141

والخطاب هنا كان موجه لأهل الكتاب عامة والمسلمين ...

ويعنى أن كلٌ مسئول عن تصرفاته وأفعاله فلن تشفع لأحدهم قرابته بأجداده الصالحين وكذلك إن كانوا غير صالحين ..

فكل سيجزى بعمله

لست أدافع عن أحد هنا ولكنى أدفع عن دينى سوء الفهم

فكثيرا ما يقوم أحدهم بفصل الآيات بعيدا عن موضعها وسياقها ليبدأ فى التفسير

وكل حسب هواه كما حدث فى فيلم فتنه من قبل...

حيث اعتمد المؤلف على بعض أفعال المتطرفين وقام بفصل بعض آيات الجهاد عن موضعها ليشوه صورة الإسلام ..

إنها مشكلة عكس المفاهيم وليست المفاهيم الدينية فقط فغالبا ما تحدث فى الحياه بصفة عامة وقد يهون ذلك ...

أما عكس المفاهيم الدينية فلابد من التوقف عنده كثيرا والسعى من أجل التوضيح ولو بقليل من العلم ولكن... لابد أن يكون صحيحا أولاً..

فديننا دين السماحه والعدل ..

ويجب علينا أولاً كمسلمين الفهم الصحيح والغير متعصب للدين ..

وليس فقط التسليم بأقوال وأفعال الشيوخ ..وإطلاق اللسان بما قالوه ..

فقد قال الشيخ فلان كذا وعلىّ اتباعه وننسي أن نتعقل ونتروى لنفهم ..

فقد حبانا الله تعالى العقل لنبحث عما هو صحيح .

أعلم ان هناك من سيثور قائلا من انتِ كى تتحدثين هكذا !!!..

لعلكم مدركين ما يحدث الآن من إطلاق لفتاوى ليس لها أساس من الصحة وللاسف الأتباع كثيرون .......وما السبب فى هذا ؟؟!!

إنه الانقياد الاعمى وعدم التدبر فى قول الخالق وسنه نبيه الكريم

وأخيرا ليس هذا فقط ما اردت التحدث عنه حول ما نفهمه بشكل خاطئ من آيات الذكر الحكيم

ولكن يكفى هذا القدر فقد اطلت عليكم كثيرا

هدانا الله وإياكم للفهم القويم لكتاب الله وسنه نبيه الكريم

سلام عليكم ...

تاج الملوك :D

فى البدايه احب اعتذر لدكتور lioromio عن التاخير الكتير اوى فى الرد على التاج ....

وكمان باشكره وباشكر H2Wعلى الفرصه الجميله دى

والتاج بيقول ايه ؟؟؟

تحدث عن نفسك فى عشر جمل ... بس انا بقى مش هاعد .... كرم زياده طبعا :p

يمكن اللى خلانى قلت تاج الملوك هو انى اول حاجه تبادرت لذهنى كلمه تاج الملوك ..

من الاعلانات طبعا :D

اقول ايه ............؟؟


-- باحب النعناع جدا جدااا يمكن لو طول النهار نعناع مش هازهق

-- احب اسمع الموسيقى الهاديه ......... كمان او بيانوا اى حاجه كلاسيك ومن اكتر المقطوعات اللى بحبها المقطوعه اللى بتبدا مع فتح المدونه

-- احب القراءه جدااا وكمان باحب اكتب وباحب الشعر والفنون لكن انواع معينه .. وخصوصا من الشعر

-- مجنونه .. وجوايا تناقضات كتيرة اوى وعجيبه جدااا وبيقولوا عليا طيبه ..بادخل مود الحزن كتير اوى يمكن لو عدى يوم
من غيره يبقى فى حاجه غريبه

-- باحب الاطفال جدااا جداااااااااااااا وساعات باحس انى طفوليه نوعا ما

-- تلقائيه وكلامى مصدره واحد ... هو تفكيرى ومش باقتنع باى حاجه بسهوله

-- باهزر كتير وده من وجهه نظرى عيب فيا نفسي اتخلص منه .... يمكن باكتب اللى عاوزاه بهزار لكن ساعات هدفى مبيوصلش واللى بيوصل الهزار

-- جد ساعات كتيرة ده لو مكنش على طول ....لكن مع اصحابى مش باظهر ده لدرجه انه لوحد ميعرفنيش هيقول هبله :D

-- باكره نفسي ساعات كتيرة يمكن لانى مش راضيه عنها دايما

-- احب العلم والمعرفه ودايما افكر فى حاجات عجيبه مش حب منى فى كده لكن مخى هو اللى بيفكر كده وده يمكن اللى خلانى اقول مجنونه

-- باحب اما اعمل حاجه تكون مظبوطه او كامله وكذلك الناس تقوم بدورها كويس يعنى انسانه عاديه جداا

-- مبحبش التكرار سواء لافكار او اقوال باحب كل جديد

-- اعشق الورقه والقلم والنت والكمبيوتر لانهم بالنسبه ليا حاجه كبيرة اوى اوى من خلالها باعبر عن ارائى اللى ما
باعرفش اوضحها فى الواقع نتيجه الخجل الزايد

-- ممكن اعتبر نفسي غامضه بالنسبه للى حوليا لان محدش يعرف عنى كتير وخاصه من ناحيه تفكيري
اللى عايشين معايا وحوليا مشافوش منى غيير الصمت نتيجه الخجل وعندهم رنا طيبه وعلى نياتها J

-- يمكن لانى باحب انعزل بتفكيرى شويه ومش من النوع اللى يحب يشرح كل حاجه بيعملها او لان اللى حوليا مش مدينى الفرصه دى ......... يا عالم

-- ساعات كتيرة باحس ان فى ناس بتبصلى على انى فذلوكه وباحب اتفذلك فى ردودى وتفكيرى وناس تانيه شايفه العكس انى متواضعه
لكن للى انا متاكده منه انى مش سليمه بنسبه 100% يعنى اكيد فيا حاجات وحشه وحاجات كويسه يمكن قليله لكن اهو ربنا يكرم

-- من الكلمات اللى مبحبش اسمعها شكرا وميرسي على حاجه قدمتها تكفى ابتسامه فى عين حد ساعدته وكمان مبحبش كلمات التوجيه
بتخنقنى


-- نرفوزه وعصبيه يمكن باصبر خارج نطاق الخدمه قصدى البيت لكن فى البيت باتعصب كتير وساعتها باحس بالغباء

-- اكتر حاجه تعصبنى انى محدش يقدر تعب او مجهود عملته وكذلك الاستخفاف بتفكيرى وطريقتى فى الحياه سواء كان كل ده تافه او كويس المهم هو فى نظرى انا ايه

-- باحس انى رغايه جدااا مع انى فى الواقع باتخرس قدام الناس L

-- مش واثقه فى نفسي ومتردده جدااا يمكن اما باقعد مع نفسي بابقى واثقه فيها فوق الخيال لدرجه الغرور لكن قدام الناس بتقلب العكس تماما
معترفه ان عندى مشكله فى التواصل مع الناس والمجتمع بصورة سليمه بعيد عن الخجل والتردد واتمنى ان الوضع ده يزول

-- باحب علم النفس اوى اوى وكذلك اعشق العربيه الفصحى واحب اتكلم بيها

-- احب النقاش موووووووووووت لكن بعيد عن الجدل العقيم واللى مبنى على التخمينات .... بيعصبنى

-- بيقولوا ارائى موزونه لكنى ساعات باحس ان ميزانتى مش مظبوطه وده لانى باحبها تكون وافيه وبادور على الافضل زى اى حد اكيد

-- احب اعرف حاجه عن كل حاجه واتمنى ان الحاجه تكبر وتبقى حاجات

-- اخيرا مقصرة دراسيا جدا يمكن لانى مبعرفش احفظ وده بيضيعنى فى الاخر وطبعا باحب صيدله جدا جدا جدا لكنها
بتخذلنى دايما وباصبر وان شاء الله خير

طولت اوى وقلت عشرات مش عشره لكنها كانت فرصه سعيده اوى علشان اتكلم

ودلوقتى وقت تمرير التاج ودى مشكله بالنسبه ليا :) لانى مش اعرف ناس كتير عندهم مدونات وغالبا اللى اعرفهم جالهم نفس التاج

اذن فالتاج مفتوح لاى شخص بيزورنى هنا فى المدونه وعنده مدونه

ولكن هاغير السؤال وهاقول ..

ساعات كتيرة بنفكر ... ده اكيد طبعا وطبيعى .. لكن ساعات فى حاجات بتقول لنفسك لا مش هافكر فيها لان قله التفكير فى
الوضع ده افضل

ده بعيدا عن الامور الدينيه والغيبيات .... يا ترى ايه هى الحاجات دى ؟؟؟ اتكلم براحتك :)